Halbeeg

Kani waa maqaal ku saabsan Halbeega. adeegsi kale, eeg Halbeeg (faah faahin).

Halbeeg (ingiriis: Unit) waa cabir lagu xisaabiyo dhamaan qiyaasaha ganacsiga iyo sayniska; sida heerkulka, dhererka, xawaaraha, wakhtiga, muga, cufka IWM.

Todobada Halbeeg ee aasaaska u ah dhamaan Halbeegyada Caalamiga ah SI. Ka bilow kor una wareeji qaabka saacada waa: Kelfin lagu cabiro Heerkulka, Ilbiriqsi (second) lagu cabiro Wakhtiga, Mitir lagu cabiro Dhererka, Kilogiram lagu cabiro Miisaanka, Kandhela, Mole lagu qiyaaso Walaxda, iyo Ambiyer oo lagu cabiro Korontada.

Dunida waxaa jira nidaam la iskugu geeyo dhamaan halbeegyada kaas oo loo yaqaano Nidaamka Caalamiga ee Halbeega (The International System of Units [loo soo gaabiyo SI oo laga soo xigtay erayga Faransiiska ah: Le Système international d'unités)

Guud ahaan waxaa jira tiro badan oo halbeegyo ah loona isticmaalo noocyo kala duwan, laakiin waxaa aasaas u ah dhamaantood Todoba Halbeeg kuwaas oo kala ah:

• Halbeega Heerkulka, sida Salsiyas, Kelfin iyo Fahrenhayt.

• Halbeega Wakhtiga, sida Ilbiriqsi, Daqiiqad, Saacad, Maalin, Sanad iyo Qarni.

• Halbeega Dhererka, sida Sentimitir, Mitir, Kilomitir, iyo Hektomitir.

• Halbeega Miisaanka sida Kilo, Kilogiram,

• Halbeega Kandhela

• Halbeega Mole lagu qiyaaso Walaxda, iyo

• Halbeega Ambiyer oo lagu cabiro Korontada.

Qeybaha Halbeega

Halbeega Thermometerka ee lagu qiyaaso Heerkulka. Sawirkan waxaa ka muuqda qalab lagu qiyaaso heerkulka oo muujinaya Fahrenhayt iyo Salsiyas.

Halbeega Miisaanka

Halbeega Miisaanka waxaa ka mid ah Garaam Kilo, Kilogaraam.

Halbeega Dhererka

Halbeega Dhererka waxaa ka mid ah Sentimitir, Mitir, Kilomitir, iyo Hektomitir.

Halbeega Wakhtiga

Halbeega Wakhtiga waxaa ka mid ah Ilbiriqsi, Daqiiqad, Saacad, Maalin, Todobaad, Sanad iyo Qarni.

Halbeega Heerkulka

Halbeegyada heerkulka waxaa ka mid a Fahrenhayt, Salsiyas, Kelfin , Rankine, Delisle iyo Newton.

Halbeegyo Kale

Halbeegyada kale waxaa ka mid ah halbeega Rikter oo ah halbeega lagu cabiro Dhulgariirka; halbeega Dhado oo lagu qiyaaso qoyaanka, uumiga iyo huurka.