Haku khaldin qaaciga

Qaraami waa nooc ka mid ah heesaha Soomaalida taasi oo leh dhandhan ka duwan noocyada kale ee Suugaanta. Qaraamigu waa heesaha Af Soomaaliga ee la qaaday wixii ka horeeyay 1985kii[1] kuwaasi oo loo tumayo noocyo badan oo qalab muusig ah sida kaban, gitaar, durbaan, biyaano iyo turunbo. Mararka qaar waxaa muusiga qaraamiga loo garaacaa tiro Kooban oo qalabka muusig ah. Si ka duwan heesaha qaaciga, qaraamiga waxaa laga dulqaadayaa masrax halkaasi oo fanaaniintu ku muujiyaan qoobkaciyaar iyo isrux.

kabanku waa u muhiim heesaha qaraamiga

Fanka Soomaalida waxaa in badan ku jira heeso qaraami ah oo la sameeyay wakhtiyadii fanka Soomaalidu hanoqaaday.

Taariikh

Guud ahaan heesaha aan maanta naqaano ee Af Soomaaliga lagu qaado waxay soo bilaabmeen 1930meeyihii. Taas macnaheedu ma ahan in dadka Soomaalida heesta aqoonin wixii ka horeeyay 1930kii, laakiin Waxaa wakhtigan bilaabmey heesaha leh muusiga, kabanka, durmaanka, turunbada iyo wixii la mid ah.

Heesaha la qaadi jiray ka soo biloow 1930meeyihii ilaa laga soo gaadho 1970kii waxaa sida guud loo yaqaanaa qaraami, halka kuwa wakhtiyadii 70aadki ka dambeyay isla markaana kaban loo garaacayo loo yaqaano qaaci.

Sharaxaad Kooban

Waxa hubaal ah in qofkasta ku khalkhalayo farqiga qaaci iyo qaraami. Qaacigu waa nooc ka mid ah heesaha kuwaasi oo la qaado ayadoo (fanaanku) fadhiyo, loo garaaco sida badan kaban iyo sacab kali ah, laakiin qaarkood lagu daro durmaan ama narso iyo turunbo. Si taasi ka duwan, qaraamiga Waxaa la garaacaya noocyo badan oo qalabka muusig ah, fanaaniintu way taagan yihiin ciyaarayaan (isruxayaan) ama way fadhiyaan.

Heesaha Qaraamiga Caanka

Heesaha hoos ku xusan waa kuwo dhowr jeer oo kala duwan la qaaday. Waxaa laga yaaba inaad aragtey heesta oo leh muusig ama la soo cusboonaysiiyay. Kuwa aan halkan ku soo bandhigay waa nooc qaraami ah.

Qoraalo La Xidhiidha


Linkiyo Banaanka

Tixraac

  1. "heesaha qaraamiga ah"