Sacab

Haku khaldin sacab (gacan)

Sacab (Af Ingiriis : clap) waa shanqadha ay sameeyaan marka la iskudhufto gacmaha. Dadku inta ugu badan waxay sacbiyaan marka wax dhiirigelinayaan, amaanayaan, iyo u muujinayaan ogolaansho. Sidoo kale sacabka waxaa lagu daraa heesaha si uu dhadhan ugu sameeyo.

Isticmaalka Muusiga

Muusiga ay ka mid tahay qaaciga iyo qaraamiga waxaa caan ku ah sacab-tumista si loogu macaaneeyo heesta.

Caafimaadka

Sida lagu sheegay cilmibaadhis dhowaan la sameeyay, sacab-tumistu waxay caawisaa jidhka dadka. Waxaa la sheegay in sacbintu u fiican tahay isla markaana caawiso wareega dhiiga.

Laxan saarista

Sacabka waxaa inta ugu badan lagu isticmaala marka hees cusub laxan la saarayo. Tix hees ah marka loo sameeynayo dhawaaq waxaa la tuntaa sacab si shanqadh la jaanqaadi karta loo helo.

Aduunyada

Markeey taariikhdu ahayd 5tii Maay 2014, nin lagu magacaabo Eli Bishop oo ku nool magaalada Boston wadanka Maraykanka wuxuu sameeyay rikhoodhkii ugu badnaa ee sacab tumista caalamka. Ninkani wuxuu halkii daqiiqo garaacay 1020 sacab.

Qoraalo La Xidhiidha

• Heeso Soomaali
• gitaar
• turunbo
• narso
• durbaan
• biyaano
• gabay
• hees
• laxan
• muusig
• qaaci
• qaraami

Maahmaahyadii

„Dadyowga oo dhammow, kulligiin sacabka tuma, Oo Ilaah cod guuleed ugu qayliya.”

Linkiyo Banaanka

• Brown, T. Pierce (2002). "Is Clapping Hands in Worship Appropriate?", GospelGazette.com.