Waxaraxir (Af Ingiriis : Venus; Af Carabi : ar‎; astaan: ♀) waa meeraha labaad ee baho cadceedeed iyo kan ugu dhod dhulka. Meeraha Waxaraxir wuxuu ku wareegaa qoraxda 224.7 maalmaha dunida, taasi oo u dhiganta sanadka meerahaasi.[3] Intaas waxaa dheer, meerahani wuxuu ka tirsan yahay 4ta meere dhagaxleda ah ee laga helo Bahda Qoraxdu Midaysay.[4]

Waxaraxir ♀
Venus in approximately true colour, a nearly uniform pale cream, although the image has been processed to bring out details.[1] The planet's disc is about three-quarters illuminated. Almost no variation or detail can be seen in the clouds.
Global radar view of the surface from Magellan radar imaging between 1990 and 1994
Calaamadayn
Ku DhawaaqitaanListeni/nəs/
SifoVenusian or (rarely) Cytherean, Venerean
Sifooyin gaara
Miisaan J2000
Wareegdhow
  • 108939000 km
  • 0.728213 AU
Wareegfog
  • 107477000 km
  • 0.718440 AU
Gobol Goobo
  • 108208000 km
  • 0.723327 AU
Iskuwareeg Yar0.0067
Wareega Sanad
  • 224.701 d
  • 0.615198 yr
  • 1.92 Venus solar day
Wakhiga Wareega583.92 days
Iskucelceliska Xawaaraha Wareega35.02 km/s
Iskucelceliska Wareega50.115°
Janjeedhka
Loolasha u yaryihiin76.678°
Wakhtidhan55.186°
DayaxyoNone
Gacan
  • 6051.8±1.0 km[2]
  • 0.9499 Earths
Sariibadaha0
Bedka oogada
  • 4.60×108 km2
  • 0.902 Earths
Mug
  • 9.28×1011 km3
  • 0.866 Earths
Cuf
  • 4.8676×1024 kg
  • 0.815 Earths
Macnaha Cufnaanta5.243 g/cm3
Equatorial surface gravity
  • 8.87 m/s2
  • 0.904 g
Escape velocity10.36 km/s
Mudo wareeg−243.0185 d (Retrograde)
Xawaare wareeg6.52 km/h (1.81 m/s)
Foorar177.36°
Cirifka woqoooyi right ascension
  • 18h 11m 2s
  • 272.76°
Cirifka woqooyi declination67.16°
Kulka oogada yeraan dhex-dhexaad badnaan
Kelvin 737 K
Celsius 462 °C
Apparent magnitude
  • brightest −4.9
  • −3.8
Angular diameter9.7″ to 66.0″
Jawiga
Cadaadiska oogada92 bar (9.2 MPa)
Qaab dhismeedka

Hordhac

 
Xajmiga Waxarxir marka la barbardhigo Dhulka

Sidaan horay usoo sheegnay, Meeraha Waxaraxir wuxuu ka mid yahay afarta meere ee dhagaxleyda ah, taasi oo dhulku ka mid yahay. Sidoo kale, Waxaraxir waxay aad ugu xug iyo xajmi dhowdahay dhulka, waxaana guud ahaan lagu naaneysaa "Mataanka Dhulka".[5]

Nidaamka Meeraha

Meerahan iyo dhulku aad baa ay isugu dhow yihiin baaxad ahaan. Waxaraxir dhexroorkiisu waa 12,104 km, ka dhulkuna waa 12,756 km. Sida dhulka, waxa uu leeyahay gibil hawo oo aad u qaro weyn ahna kaarboon laba-oksaaydh 96%, taas oo keenta in cadaadiska hawadiisu ay ka badnaato 90 jibbaar tan dhulka. Waxa aan marna laga waayin daruuro culus oo ka samaysan sulfuyuurik asiidh. Sidaas awgeed, meerahan oogadiisa isha laguma arki karo oo waxaa qarinaya daruurahaas. Raadaar iyo wax la mid ah uun baa lagu arki karaa. Gibilkaas hawo ee aadka u cufani waxaa uu dabraa oo uu kaydiyaa kulayl badan, taas oo sababtay in uu meerahani lahaado oogada ugu kulul bah-qorraxeedka (460°C).

Waxa uu qaataa 224.7 maalin dhul in uu hal mar qorraxda ku wareego (sannad). In uu hal mar dhidibkiisa ku wareego waxa ay qaadataa 243 maalin dhul. Sidaas awgeedna maalintiisa ayaa ka dheer sannadkiisa. Meerayaasha intooda badani marka ay qorraxda ku wareegayaan waxa ay u socdaan midig-bidix ama galbeed-bari (sida Kacbada loogu dawaafo). Waxaraxir waxa uu u socdaa bidix-midig sida saacadda, qorraxduna waxa ay uga soo baxdaa galbeedka waxa ayna u dhacdaa bariga.

Sannadkii 1962 ayaa NASA waxa ay meerahan u dirtay fagaagbuldiye (space probe) la odhan jirey MARINER 2. Midowgii Soofiyeedka ayaa 1970 kii diray fagaagbuldiyihii ugu horreeyey uguna dambeeyey ee ku dega oogada Waxaraxir. Waxaa la odhan jirey VENERA 7. Wax yar kaddib waa uu hawl gabay sidaas ayaana lagu waayey. Daqiiqadihii uu shaqaynayey xogtii uu soo diray waxaa ka mid ahaa heerkul gaadhaya 475°C, 92 bar (1300 psi. Shaagga/taayirka gaadhiga cadaadiska hawadiisu ma gaadho 40 psi). 1989 kii ayaa ay NASA mar kale dirtay fagaagbuldiye la odhan jirey MAGELLAN oo afar sano ku wareegayey meeraha, isaga oo sawirro ku qaadayey mawjadaha raadaarka, isaga oo muddadaas sawiray 98% oogada meeraha. Wakaaladda Cirbixinta ee Yurub iyaduna 2005 tii ayaa ay dirtay VENUS EXPRESS oo siddeed sano ku wareegey Waxaraxir ilaa shiidaalkii ka dhammaaday oo uu burburay. Fagaagbuldiyeyaal badan ayaa Waxaraxir booqday, welina qaar baa ku wareegaya si ay xog uga helaan gibilka hawo ee ku hareeraysan.

Muuqaalo

Sidoo kale fiiri

Xigasho

  1. Lakdawalla, Emily (21 September 2009), Venus Looks More Boring than You Think It Does Archived Jannaayo 6, 2012 // Wayback Machine, Planetary Society Blog (retrieved 4 December 2011)
  2. name="Seidelmann2007"
  3. Lawrence, Pete (2005). Digitalsky.org.uk https://web.archive.org/web/20120611003523/http://www.digitalsky.org.uk/venus/shadow-of-venus.html. Waxaa laga kaydiyay the original 11 June 2012. Soo qaatay 13 June 2012.  Maqan ama ebar |title= (caawin)
  4. Hashimoto, G. L.; Roos-Serote, M.; Sugita, S.; Gilmore, M. S.; Kamp, L. W.; Carlson, R. W.; Baines, K. H. (2008). Journal of Geophysical Research: Planets. 113: E00B24. Bibcode:2008JGRE..11300B24H. doi:10.1029/2008JE003134.  Maqan ama ebar |title= (caawin)
  5. Lopes, Rosaly M. C.; Gregg, Tracy K. P. (2004). Springer Publishing. p. 61. ISBN 978-3-540-00431-8.  Maqan ama ebar |title= (caawin)

Xiriirinta dibadda